Кызыл-Кыядагы базарда чыккан өрт эртең менен өчүрүлдү

Кызыл-Кыя шаарындагы базар өрттөнүп, жалпы күйгөн аянттын көлөмү 2,5 миң чарчы метрди түздү. Бул тууралуу Өзгөчө кырдаалдар министрлигинен кабарлашканын “Барометр” билдирет.

Аталган кабарга таянсак, Кызыл-Кыя шаарынын Асаналиев көчөсүндө жайгашкан борбордук базарында өрт чыккандыгы тууралуу маалымат түшкөн.

Өрттү өчүрүүгө  ӨКМден жалпы 5 өрт өчүрүүчү бөлүм жана 18 куткаруучу тартылган. Өрт эртең мененки саат 05:35те толук өчүрүлдү. Өрттүн кесепетинен болжол менен 2500 чарчы метр аянты күйгөн, жабыркагандар жок.