Кырсыкка кабылган Нодирбек Каримов унааны өзү айдап бара жаткан

Бишкек-Ош автожол кырсыгына кабылган депутат Нодирбек Каримов унааны өзү башкарып бара жаткан. Мындай маалыматты Бишкек шаардык Жол кыймылынын коопсуздугун камсыздоо башкы башкармалыгы билдирди. 

Такталган акыркы маалыматтарга ылайык, унаанын ичинде 6 адам болсо алардын төртөө ооруканага жеткирилген. Алар Нодирбек Каримов, 69 жаштагы (каза болуп калды) апасы, 46 жаштагы аялы жана 19 жаштагы дагы бир жаран. Калган экөөнүн жаракаты жеңил болуп, амбулатордук жардам алууда деп билдиришти. 

Учурда депутаттын абалы тууралуу толук маалымат бериле элек. Иликтөө иштери жүрүп жатат.