Кыргызстанга Фуджейранын ханзаадасы шейх Мохаммед бин Хамад бин Мохаммеда Аль Шарки келди

Бүгүн, 2-сентябрда, Кыргыз hеспубликасына Фуджейра эмиратынын ханзаадасы (Бириккен Араб Эмираты) eлуу урматтуу шейх Мохаммед бин Хамад бин Мохаммеда Аль Шарки келди. Бул тууралуу өкмөттүн маалымат кызматы билдирди.

«Ысык-Көл» эл аралык аэропортунда шейх Мохаммед бин Хамад бин Мохаммеда Аль Шаркини Кыргыз Республикасынын биринчи вице-премьер-министри Кубатбек Боронов тосуп алды.

Улуу даражалуу шейх Мохаммед бин Хамад бин Мохаммеда Аль Шарки Кыргыз республикасына жумушчу сапар менен келди.

Сапар алкагында ханзаада Кыргыз Республикасынын премьер-министри Мухаммедкалый Абылгазиев менен жолугушат.

Улуу даражалуу шейх Мохаммед бин Хамад бин Мохаммеда Аль Шарки ошондой эле бүгүн Ысык-Көл жээгинде өтө турган III Дүйнөлүк көчмөндөр оюндарынын ачылыш салтанатына катышат.