Кыргызстанга 5G технологиясы качан киргизилет?

“Кыргызстанда 5G технологиясы качан киргизилет?”,-деп сурады бүгүн, 23-июнда депутат Мейкинбек Абдалиев Жогорку Кеңештин пленардык жыйынында.

Мамлекеттик байланыш кызматынын башчысы Талант Калыков жыл соңуна чейин аны тесттик режимде сынактан өткөрүү каралып, ал эми 2023-жылдын соңуна чейин бул системаны киргизүү күтүлүп жатканын айтты.

“Бирок калктын жогорку суроо-талабынан улам 5G андан эртерээк да киргизилиши ыктымал”,-деп билдирди Калыков.

Ошондой эле ал 5G технологиясын колдогон телефондор азыркы учурда 100 миң сомдон жогору бааланарын, бул технология менен дүйнөнүн бир дагы өлкөсү азырынча толук иштей электигин дагы кошумчалады.