Кыргызстандагы кышкы туризм тууралуу сайт ачылды

Экономика жана каржы министрлигине караштуу Туризм департаменти Кыргызстандагы кышкы туризм тууралуу сайтты сунуштады. Бул тууралуу аталган департаменттен кабарлашканын “Барометр” маалымдайт.

Аталган туристтик медиа ресурс кышкы туризмдин китепканасы болуп калмакчы, анда Кыргызстан тууралуу фото сүрөттөр жана видео материалдар топтолгон.

Китепканада Кыргызстандагы кышкы туризмдин түрлөрү, кызыктуу туристтик продуктулар, кышкы эс алуунун эң сонун жерлери тууралуу кесипкөй фотографтардын 5 миңден ашык сүрөттөрү жайгаштырылды.

Аталган онлайн-китепкананы Кыргызстандагы кышкы туризм тууралуу кызыктуу материалдар менен толуктоо пландалып жатат.