Кыргыз-өзбек чек арасындагы такталбаган эки тилке макулдашылды

Кыргыз-өзбек чек арасындагы такталбаган эки тилке макулдашылды. Бул тууралуу өкмөттүн басма сөз кызматы билдирди.

Маалыматка ылайык, Өзбекстандын Фергана шаарында 1-7-августа кыргыз-өзбек мамлекеттик чек арасын делимитациялоо жана демаркациялоо боюнча өкмөттүк жумушчу топтордун кезектеги жолугушуусу өттү.

Жолугушууда кыргыз-өзбек мамлекеттик чек арасынын долбоордук сызыгынын өтүшүн чагылдыруу боюнча маселелер талкууланды. Сүйлөшүүлөрдүн натыйжасында кыргыз-өзбек мамлекеттик чек арасынын 2 тилкеси макулдашылган.

Жолугушуунун жыйынтыгы боюнча тиешелүү протоколго кол коюлган.

Бул жумушчу топтун кийинки жолугушуусу ушул жылдын сентябрында Кыргыз Республикасынын аймагында үстүбүздөгү жылга бекитилген планга ылайык өтөт.