Курма рак ооруларынын бардык түрүнө даба

Курма – жылуулукту сүйүүчү өсүмдүк. Ошондуктан, ал Евразиянын, Американын жана Австралиянын көп өлкөлөрүндө кеңири таралган. 

Курманын бери дегенде эле 500дөн ашуун түрү бар деп айтылат. А биздин жерде болсо анын эки: ачыркантуучу кавказдык жана таттуу шоколад аттуу түрү кенен тараган. Бышып турган курма албетте, жумшак, ачык бышкан сары түстүү жана тунук болот. Тарыхта курманын мекени катары Кытайдын борбордук жана түндүк райондору айтылып жүрөт. Алар бул жемишти биздин заманга чейинки мезгилде эле өстүрүп жүрүшкөн болсо, курма Европага сегизинчи, ал эми биз тарапка он тогузунчу кылымда алынып келинген экен.

Курманын пайдалуулугу

Курамы А витаминине бай болгон үчүн курма рак ооруларынын бардык түрүнө даба гана болот. Бул тууралуу адистердин сунуштарына таянып "Барометр" билдирет.

Ошон үчүн аны ушул дарттан жабыркагандар көбүрөөк жегени жакшы. Буга кошумча А витамининин көрүүнү жакшыртып, терини жылмакай жана жагымдуу кылаары бышык. Ал эми андагы С жана Р витаминдери кан тамырларды бекемдеп, алардын морттугун жокко чыгарат, иммунитетти көтөрөт. Курманын маңызы ашказан-ичеги тутумундагы бактерияларды өлтүрүүгө эгедер. А йод болсо богок безинин оорусу – зоб менен күрөшөөрү жалпыга белгилүү. Ошол эле маалда бул жемиш жүрөк-кан тамыр ооруларынын алдын алып, аз кандуулукка дары болот жана тиштердин бүйлөлөрүнүн канай берүүсүн токтотот.

Ден соолукта

Аз кандуулукту жоюу үчүн күнүнө 2 жолу курманын үй шартында жаңы сыгылган ширесинен 50-100 млден ичсеңиз болот.

Жөтөлдү айыктырууда да жакшы каражат. Ал үчүн бир даана бышкан курманын ширеси менен жылуу суунун аралашмасына тамакты чайкап туруу зарыл.

 Аталган жемиштин курамы йодго бай болгон үчүн бир күндө 2 даана курма жеген адам зоб менен оорубайт.

Чылымды көп чеккен адам күн сайын бирден курма жеп турса, анын өпкө рагына чалдыгуу коркунучу жоголот. Бул жемиште бета-каротиндин көп болушу менен түшүндүрүлөт.