Ош шаарындагы “Ала-Тоо” кафеси толугу менен күйүп кетти

Ош шаарындагы “Ала-Тоо” кафеси толугу менен күйүп кетти. Бул тууралуу ӨКМнин маалымат кызматына шилтеме берип “Барометр” билдирет.

Маалым болгондой, өрт кырсыгы 4-март күнү саат 03:38 чамасында болгон.

“Масалиев көчөсүнүн №16 Б дарегинде  жайгашкан “Ала-Тоо” кафесинен өрт чыккан. Жабыркагандар жана каза болгондор жок.

Өрттү өчүрүүгө Ош шаардык өрт өчүрүү кызматынан 4 бөлүм жана атайын штаб барган. Мындан тышкары, ИИМден 2 бригада, тез жардам кызматынан 1 бригада, РЭТтен 1 бригада тартылган.

Тартылган күчтөрдүн жардамында өрт саат 04:13тө чектөөгө алынып, саат 06:15те толук өчүрүлгөн. Өрттүн аянты болжол менен 1 541 чарчы метрди түзгөн”, - деп айтылат маалыматта.

Учурда өрттүн себеби жана келтирилген материалдык чыгым такталууда.