Казакстандагы куш салмай мелдешинде Жалал-Абаддын кушу чемпион болду

Казакстандын Караганды облусунда өткөн "Кушбегилик" өнөр боюнча калк аралык мелдеште Жалал-Абад облусунун тургуну Абдырасул Кубатов аттуу кушчу чемпион болду.

Бул тууралуу Кыргызстандын Салбуурун федерациясынын президенти Алмазбек Акунов “Barometr.kg” сайтына билдирди.

“Абдырасул Кубатовдун кушу "Карчыга" куштар арасында сынакта 1-орунду ээлеп 250 000 теңге (45000 сом) акчалай байге алды.

Ал эми "Ителги салуу" боюнча мелдеште Ысык-Көлдүк кушчу Түгөлбай Абдыкадыров кушу менен экинчи орунду камсыздады. Бул мелдеште 1-орунду Казакстандын ителгиси ээледи”, - деди Алмазбек Акунов.

Ал ошондой эле, казак боордоштор Кыргызстандан барган делегацияга абдан жакшы мамиле жасап, өтө чоң сый-урмат менен узатышканын кошумчалайт.