Казакстанда куткаруучулар кар алдында калган эки кишини казып алышты – видео

Казакстанда куткаруучулар кар күрткүсүнүн алдында калган эки кишини казып куткарып алышты. Кар алдынан кишилерди сууруп чыгып жаткан учурдун видеосу Казакстандагы телеграм-каналдарга жарыяланды.

Маалыматка ылайык, кишилер Астана — Караганда жолунда кардын туткунунда калышкан.

Белгилей кетсек, Нур-Султанга январда калың кар түшүп, 1964-жылкы рекордду жаңылады. Андыктан аба ырайынын катаалдыгынын улам 27-январда Нур-Султанда өзгөчө кырдаал киргизилип, мектептердеги окуу токтотулган.

Ал эми муниципалдык жана куткаруу кызматтары күчөтүлгөн тартипте ишке кирген.

Синоптиктердин маалыматы боюнча Казакстандын көпчүлүк аймактарында калың кар жооп, ал бороон менен коштолууда.