Кардар туздалган бадыраң жеп, 16 миң доллар чай пул калтырды

Америкалык Нью-Гэмпшир штатында ресторанга келген адам 16 миң долларга чай пул таштады. Ал болгону 37,93 долларга тамак ичкен.Бул тууралуу жергиликтүү булактар маалымдады.

Лондондерри шаарындагы ресторага келген кардар эки хот-дог жана туздалган бадыраң алып, тамактанып бүткөндөн кийин эсеп сураган.

Бармен Мишель Маккэдден эркек киши 16 миң доллар чай пул таштаганын көрүп эсин жогото жаздаган. Акчаны берип жатып кардар барменге “Баарын дароо коротуп салба” деген гана өтүнүчүн айткан.

Маккэдден аталган сумманы ошол жерде иштеген 8 персонал менен бөлүшкөнүн билдирди.