Индонезияда айнек көпүрө сынып кетип, бир турист бийиктиктен кулап каза болду

Индонезияда туристтер өтүп бара жаткан айнек көпүрө сынып кетип, адамдар кулап кетти. Бул тууралуу жергиликтүү басылмалардын маалыматына шилтеме берип “Барометр” билдирет. 

Кырсыктын кесепетинен, төрт адам кулап, алардын бири каза болгон.

Окуя шаршемби күнү саат 10:00 чамасында Борбордук Явадагы Банюмас районундагы Лимпакувус шаарында жайгашкан туристтик аймакта болгон. 
Банюмаса полициясынын башчысы, полиция комиссары Эди Суранта Сайтпу: "Туристтер баскан айнек сынып кеткенде, алардын экөө көпүрөнүн тирөөчтөрүн кармап калууга үлгүргөн, бирок калган экөө кулап түшкөн" деди.

Каза болгон адам Индонезиянын Банжарнегара шаарынын 49 жаштагы тургуну болгон. Полиция көпүрөнү курчоого алып, экспертиза жүргүзүлүүдө.