ИИМдин Ички аскерлеринде волейбол боюнча мелдеш болуп өттү

Кечээ, 18-июнда ИИМдин Ички аскерлеринде 40 жаштан жогорку курактагы аскер кызматчыларынын, милиция кызматкерлеринин командаларынын арасында волейбол боюнча турнир болуп өттү. Бул тууралуу ИИМдин басма сөз кызматына шилтеме берип "Барометр" билдирет. 

Маалыматка ылайык, турнирге ИИМдин Ички аскерлеринин, Республикалык окуу борборунун жана Бишкек шаарынын ички иштер башкы башкармалыгынын командалары катышышты.

"Турнирдин негизги максаты бул волейболдун популярдуулугу, ден-соолукка пайдалуу экенин көрсөтүү жана Кыргыз Республикасынын ИИМдин кызматкерлери арасында достук мамилелерди чыңдоо болуп саналат.

Турнирдин натыйжасында 1-орунду ИИМдин Ички аскерлеринин курама командасы, 2-орунду ИИМдин Республикалык окуу борборунун курама командасы жана 3-орунду Бишкек шаарынын ички иштер башкармалыгынын курама командасы алышты.

Турнирдин аягында жеңүүчүлөр кубок, диплом жана грамоталар менен салтанаттуу түрдө сыйланышты", - деп айтылат маалыматта.