Даталардын дал келүүсү. Жээнбеков үч жыл мурун дал ушул күнү президент болуп шайланган

Президент Сооронбай Жээнбеков дал ушул күнү, 15-октябрда 2017-жылы өлкө башчы болуп шайланган.

Жээнбековдун Кыргызстанга президент болуп шайланганына  бүгүн, туура үч жыл болду.

Ал 2017-жылы 15-октябрда шалоодон жеңип чыгып, 24-ноябрда ант бергенден кийин президенттик кызматына  расмий түрдө киришкен.

5-октябрдан бери митинге чыккандардын негизги талабы Жээнбековдун бийликти тапшырып, тынчтык жолу менен өткөрүп берүүсү эле.

Бүгүн, 15-октябрда Сооронбай Жээнбеков отставкага кеткенин жарыялады.

“Мен үчүн, өлкөбүздүн тынчтыгы, элибиздин бүтүндүгү, коомубуздун ынтымагы баардык кызмат ордунан бийик.

Мен үчүн ар бир жараныбыздын ден соолугу, ар бир мекендешимдин өмүрү — баарынан кымбат.

Мен Кыргызстандын тарыхында кан төгүп кеткен, өз жарандарына каршы ок аткан Президент катары калгым келбейт.

Ошондуктан мен отставкага кетүү чечимин кабыл алдым”, -деген билдирүү жолдоду.