Уникалдуу табылга: Птерозаврдын эмбриону менен жумурткалары изилденүүдө

Окумуштуулар птерозаврдын ташка айланган 200 жумурткасын изилдеп жатышат.

Жумурткалар буга чейин Кытайдын түндүк-батышындагы Синьцзян-Уйгур автономдуу районунда табылган. Бул палеонтология тарыхындагы эң ири табылга болуп саналат. Жумурткалардын курагы 120 миллион жылга туура келет. Окумуштуулар дүйнөдөгү алгачкы жолу, птерозаврдын толтугу менен сакталып калган эмбриондорун табышкан. Канаттуу куштун балдары учуп эмес, басып жүргөнү аныкталган. Буга чейин илимде мындай түрдөгү жумуртканын 11 гана даанасы жеткиликтүү болчу.