Кулматов бажы кызматында алгачкы кадр алмашууларды жасады

Мамлекеттик бажы кызматынын төрагасы Кубанычбек Кулматов, өзүнүн биринчи орун басарлыгына Жеӊишбек Исаковду дайындады. Маалыматты аталган ведомствонун басма сөз кызматынан ырасташты.

Буга чейин да Исаков, 2013-жылдын июлунан 2014-жылдын 25-ноябрына дейре Мамлекеттик бажы кызматынын жетекчисинин орун басары болуп иштеген.

Эске салсак, ушул жылдын 11-декабрында премьер-министр Сапар Исаковдун кол койгон жарлыгына ылайык, Кубанычбек Кулматов Бажы кызматынын төрага кызматына дайындалган.