Биометрикалык паспортту 31-декабрга чейин бекер алса болот

Мамлекеттик каттоо кызматы, 2017-жылдагы үлгүдө жаӊы электрондук биометрикалык ID-карттарды акысыз даярдоо ушул жылдын 31-декабрына дейре улантылат деп жарандардын эсине салат. Бул тууралуу ведомстводон билдиришти.

Эске салсак, Мамлекеттик каттоо кызматы ушул жылдын 2-майынан тартып, идентификациялык карталарды бекер даярдоо үчүн документтерди кабыл алууну баштаган. Жараксыз же жоготуу, тез арада даярдоого акы төлөнөт.

"Жарандар жаӊы айдикарт-паспортту алуу үчүн документтерин ушул айдын аягына дейре тапшырса болот»,-деп билдиришти ведомстводон.

Бул документ жаӊы. Жаӊы паспорттор анда орнотулган микрочип менен айырмаланат.