Атыр Абдрахматова БШКнын төрага орун басарлыгы кызматынан бошотулду

Жыйында Шайлоолорду жана референдумдарды өткөрүү боюнча борбордук шайлоо комиссиясы (БШК), Атыр Абдрахматованы комиссиянын төрага орун басарлыгынан алды.

Мындай демилге менен, комиссиянын мүчөсү Алмаз Асаналиев чыкты. Анын айтымында, президенттик шайлоолор учурунда Абдрахматова өзүнүн айткандары менен, БШКнын мүчөлөрүнүн ар-намысы жана беделине зыян келтирген. 12 мүчөнүн 8и мындай сунушту колдогон.

Атыр Абдрахматова БШКда комиссия мүчөсү катарында ишин уланта берет.