Актриса Элина Абай кызы турмушка чыкты

Кечээ, 27-ноябрда, актриса Элина Абай кызы кикбоксер Кумар Жалиевге турмушка чыкты. Алардын үлпөт тойдогу сүрөттөрүн достору социалдык тармактарга жарыялашты. Бул тууралуу Турмуш басылмасы жазды. Жаш жубайлар 2007-жылы “Гаишники. Иссык-Кульский беш бармак” аттуу тасмада чогуу роль жаратышкан. Кумар Жалиев спорттогу жетишкендиктеринен тышкары 2016-жылы чыккан “Сагын” тасмасындагы ролу менен белгилүү. Элина Абай кызы “Курманжан датка” фильминде Курманжандын ролун аткарган.