Путин Атамбаевди эл аралык маданий форумга катышууга чакырды

Бүгүн, 9-ноябрда, Алмазбек Атамбаев телефон аркылуу Россиянын президенти Владимир Путин менен сүйлөштү. Бул тууралуу КРдын президенттик аппаратынын маалыматтык саясат бөлүмүнөн билдиришти.

Мамлекет башчылары кыргыз-орус мамилелеринин маанилүү маселелери боюнча пикир алмашышты жана биргелешкен долбоорлорду ишке ашыруунун жолун талкуулашты.

Владимир Путин ошондой эле, Алмазбек Атамбаевди VI Санкт-Петербургдук эл аралык маданий форумдун салтанаттуу ачылыш аземине катышууга чакырды.

Белгилесек, аталган форум дүйнөлүк деӊгээлдеги маданий окуясы болуп саналат. Ал эми форумдун ачылышы Мариин театрынын жаӊы сахнасында 17-ноябрда өткөрүлмөкчү.