Вице-премьер-министр Темир Жумакадыровду акыркы сапарга узатуу зыйнаты өтүп жатат

 Бүгүн, 9-октябрда жол кырсыгынан каза болгон вице-премьер-министр Темир Жумакадыровдун сөөгү “Ала-Арча” көрүстөнүнө жерге берилет.  Учурда Бишкектеги Токтоболот Абдумомунов атындагы кыргыз улуттук академиялык драма театрынын алдында маркумду акыркы сапарга узатуу зыйнаты өтүүдө.

Эскерте кетсек, Кыргыз Республикасынын вице-премьер-министри Темир Жумакадаровдун дүйнөдөн мезгилсиз кайтыш болгонуна байланыштуу Кыргыз Республикасынын Өкмөтүнүн буйругу менен маркумду акыркы сапарга узатуу зыйнатын уюштуруу боюнча уюштуруу комитети түзүлгөн.

Анын курамына:

- Исаков Сапар Жумакадырович – Кыргыз Республикасынын Премьер-министри, уюштуруу комитетинин төрагасы;

- Абулгазиев Мухамметкалый Дүйшекеевич – Кыргыз Республикасынын Президенттик Аппаратынын жетекчисинин орун басары, уюштуруу комитетинин төрагасынын орун басары;

Уюштуруу комитетинин мүчөлөрү:

- Момуналиев Нурханбек Сакенович – Кыргыз Республикасынын Өкмөтүнүн Аппаратынын жетекчиси;

- Исраилов Улан Жумабекович – Кыргыз Республикасынын ички иштер министри;

- Касымалиев Адылбек Алешович – Кыргыз Республикасынын каржы министри;

- Калилов Жамшитбек – Кыргыз Республикасынын транспорт жана жолдор министри;

- Боронов Кубатбек Айылчиевич – Кыргыз Республикасынын өзгөчө кырдаалдар министри;

- Батыралиев Талантбек Абдуллаевич – Кыргыз Республикасынын саламаттыкты сактоо министри;

- Казаков Түгөлбай Токтогулович – Кыргыз Республикасынын маданият, маалымат жана туризм министри;

- Ибраимов Албек Сабирбекович – Бишкек шаарынын мэри;

- Курманалиев Алмазбек Абдиназарович – Кыргыз Республикасынын Коопсуздук кеңешинин катчысынын орун басары;

- Сегизбаев Абдил Кеңешович – Кыргыз Республикасынын мамлекеттик улуттук коопсуздук комитетинин төрагасы;

- Касымкулов Мирбек Абдыкаимович – Кыргыз Республикасынын мамлекеттик коргоо иштери боюнча комитетинин төрагасы;

- Карыпбеков Илим Майрамбекович – Кыргыз Республикасынын Коомдук телерадио берүү корпорациясынын башкы директору;

- Жылкыбаев Узарбек Казиевич – Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү;

- Мамбетакунов Нурбек Телманович – Кыргыз Республикасынын Президентинин жана Өкмөтүнүн иш башкармасынын орун басары;

- Жумалиев Болот – маркумдун тууганы кирди.

7-октябрь күнү Темир Жумакадыров Таласка шайлоого даярдыктын жүрүшү менен таанышуу максатында бара жатып жол кырсыгына кабылган. Анын жардамчы жана айдоочусу да мерт кеткен.