Төрт жаштагы кыз жана анын чоң атасы жол кырсыгынан каза тапты

Чүй областынын Аламүдүн районунда болгон жол кырсыгынан 4 жаштагы кыз жана анын чоң атасы каза тапты. Бул тууралуу бүгүн, 4-октябрда ӨКМнын басма сөз кызматынан кабарлашты. 

“Жол кырсыгынын кесепетинен 68 жаштагы киши жана анын 4 жаштагы небереси көз жумду”,-деп айтылат ӨКМ тараткан маалыматта.

 Авария 3-октябрда саат 14кө жакын Бишкек –Нарын –Торугарт унаа жолунун 5 чакырымында болгон. Анда Hyundai Porter  жана Subaru унаалары кагылышкан. Hyundai Porter унаасында 4 жаштагы кыз чоң атасы жана чоң энеси менен болгон. Экинчи унаанын айдоочусу жабыркаган жок.