"103": Бишкекте бука жибин үзө качып, борбордук көчөдө аялды сүзүп кетти

  Бүгүн, 3-октябрда Бишкек шаарында Манас көчөсүндө 50 жаштагы аялды бука сүзүп кетти. Бул тууралуу маалыматты Barometr.kgге тез жардам станциясынан тастыкташты.

 Дарыгердин айтымында, медайымдар аялга алгачкы зарыл болгон көмөктү көрсөтүштү. Аял 4-шаардык ооруканага жаткырылды.

 “Жабыркаган аялдын абалы учурда канааттандырарлык”,-деп кабарлашты тез жардам кызматынан.