Назарбаев Астананын 20 жылдыгына даярдык көрүүнү тапшырды

Казакстандын президенти Нурсултан Назарбаев Астана шаарынын 20 жылдыгын белгилөөгө даярдык көрүү үчүн атайын комиссия түзүүнү тапшырды. Бул тууралуу жергиликтүү маалымат каражаттары билдиришүүдө.

Маалыматка караганда, андан тышкары Назарбаев өлкө борборунун 20 жылдыгын белгилөө боюнча «Ел жүреги — Астана» деп аталган концепцияны бекитүү тапшырмасын берди.

Мааракеге карата иш-чараларды өткөрүү боюнча мамлекет башчынын тапшырмаларын аткарууга эки айлык мөөнөт чегерилгени кабарланууда.