Израилдин жараны Сары-Челек көлүнүн жанында каза тапкан

Жалал-Абад областынын Аксы районунда дайынсыз жоголгон Израилдин жараны Хилла Ливне кырсыктан улам каза тапкан. Бул тууралуу КР ӨКМдан кабарлашты.

 Алдын ала маалыматтарга таянсак 22 жаштагы кыз "Сары-Челек" коругунун аймагындагы аскадан кулап кеткен.

Кыздын дайынсыз жоголгону тууралуу маалымат ӨКМга үч күн мурда түшкөн. Турист кызды издеш үчүн 60тай адам тартылган, куткаруучулар атайын издөөчү иттерди колдонушкан.