Шайлоого карата гимн чыкты. БШК добуштарды сатпоого чакырууда

Кыргызстанда 2017-жылдагы президенттик шайлоого карата гимн чыкты. Бул тууралуу Борбордук шайлоо комиссиясынан кабарлашты. 

Анын авторлору: Ж.Апазов, Н.Шайлдабекова, Э.Турсуналиева жана  Г. Алмамбетова.

 БШКнын өкүлдөрү келерки аптада үгүт поездин уюштуруп, кыргызстандыктарды өз добуштарын сатпоого үндөмөкчү.

Эскерте кетсек, шайлоо 2017-жылдын 15-октябрына белгиленген.

 Гимндин текстти:

 Таң нуру тоодон чачылганда,

Тагдырым сен деп! -ашыгаман да.

Кымбатым сенсиң, кыргыз элим,

Жакшылап танда, мыктыны шайла!

Кайырма:

Жеримдин көркү Ысык-Көлүмдөй,

Токою кенен Талас жеримдей.

Аскасы бийик Нарыным барда,

Байыркы Ош алгала, чамда!

Жалал-Абад жаркырайт таңда,

Баткеним ырдайт кошулуп шаңга,

Борборум Бишкек дем берип жанга!!!

Өркүндөп өскүн Кыргызым алга!!!

Келечек үчүн жакшыны танда!!

 Ала-Тоо мөңгү конушуң болсун,

Акыйкат чечкен добушуң болсун.

Улаган жолуң Манастын алга!

Эмгекти сүйгөн жаштарың барда!