Социалдык түйүндөрдө Кыргызстандагы казармада аскерлерди кемсинтип жаткан видео жарыяланды

Социалдык түйүндөрдө Кыргызстандагы аскердик бөлүктөрдө жоокерлерди шылдыңга алган видео жарыяланды. 

Видеону өзүнүн баракчасына колдонуучу Жоробек Сагынбаев жүктөгөн.

 Видеодо  аскер формасын кийген жаш жигиттер кадр сыртында жаман сөздөрдү айтып сөгүнгөн эркектин буйругун аткарып жатышат.

Колдонуучунун айтымында, үрөй учурган инцидент №7412 аскердик бөлүктө болгон.

 “Күзөт жана конвоирования департаменти. 7412 аскер бөлүгү. Взводдун командиринин  болжол менен саат 12де аскерлерди шылдыңга алып жаткан учуру”,-деп нааразылыгын жазды колдонуучу.