2016-жылдын эсебинен өлкө жарандарынан өкмөткө 6889 кайрылуу келип түшкөн

Карапайым калк өкмөткө кат аркылуу көйгөйлөрүн айтып  арызданат. Мына ушундай арыздардын саны бир жылда 6989 болуп эсептелген. Мындай маалыматты өкмөттүн сайты кабарлады. Маалыматта:

“2016-жылы Кыргыз Республикасынын Өкмөтүнүн Аппаратына өлкө жарандарынан 6989 кайрылуу келип түшкөн. Анын 5272си – жазуу түрүндө, ал эми 1717си оозеки кайрылуу болуп саналат. Кыргыз Республикасынын Өкмөтүнүн жетекчилигинин жеке кабыл алуусунда 459 жаран кабыл алууда болгон.

Негизинен келип түшкөн кайрылуулар төмөнкү маселелер боюнча:

- турак-жай маселесин чечүү 470 (8,9%);

- социалдык кызматтын иши, пенсия, жеңилидктер, жөлөкпулдар жана материалдык көмөк көрсөтүү тууралуу маселеле – 443 (8,4%);

- эмгекке оноштуруу, эмгек жана айлык акы боюнча талаштуу маселелер – 354 (6,7%);

- жеке кабыл алуу – 342 (6,42%);

- агроөнөр-жай комплекси, мелиорация, дыйкан жана фермердик чарбалар – 321 (6,09%);

- билим берүү жана илим – 306 (5,8%);

- ички иштер органдарынын иши – 225 (4,27%);

- саламаттык сактоо – 215 (4,08%).

Жарандар негизинен турак-жай жана жер тилкесин алуу, социалдык жана материалдык көмөк көрсөтүү, анын ичинде дары-дармек алуу жана кымбат баадагы операцияларды өткөрүү маселеси боюнча кайрылышкан.

Төмөнкү аймак тургундарынан көптөгөн кайрылуулар келип түшкөн:

- Бишкек ш. – 1872 (35,51%);

- Чүй облусу – 831 (15,76%);

- Жалал-Абад облусу – 604 (11,46%);

- Ош облусу – 524 (9,94%);

- Нарын облусу – 387 (7,34%);

- Ысык-Көл облусу – 386 (7,32%);

- Ош шаары – 263 (4,99%);

- Баткен облусу – 209 (3,96%);

- Талас облусу 152 (2,88%).

Ошондой эле төмөнкү кайрылуулар каралган:

- Кыргыз Республикасынын  Президентинин Аппаратынан – 238;

- Кыргыз Республикасынын  Жогорку Кеңешинен – 896;

- Кыргыз Республикасынын  Премьер-министринин коомдук кабыл алуусунан – 987;

- Кыргыз Республикасынын Өкмөтүнүн www.gov.kg расмий ссайтына жана www.kattar.kg жарандардын кайрылуу интернет-порталына келип түшкөн кайрылуулар – 1028;

- Кыргыз Республикасынын Премьер-министринин өлкө аймагы боюнча жумушчу сапарларынын учурунда келип түшкөн кайрылуулар – 30;

Кыргыз Республикасынын Премьер-министринин коомдук кабыл алуусунун «0312-62-53-85» ишеним телефонуна 1264 телефон чалуулары келип түшкөн;

Бардык кайрылуулар Кыргыз Республикасынын Өкмөтүнүн Аппаратынын тийиштүү бөлүмдөрү тарабынан каралган, анын айрымдары боюнча көтөрүлгөн маселелерди иликтөө жана келтирилген фактыларды текшерүү үчүн жумушчу топтор түзүлгөн”-деп айтылат.