Токтогул районунда болгон жол кырсыгынан эки киши каза тапты

Бишкек – Ош унаа жолунун 267- чакырымында, Токтогул районунда бүгүн, 11-сентябрда болжол менен саат 00.07де жол транспорт кырсыгы катталды. Кырсыктан эки адам көз жумду. Бул тууралуу ӨКМнын басма сөз кызматы кабарлады. 

Ведомстводон кабарлашкандай, «Фольксвагена Гольф 2» унаасынын айдоочусу рулду башкара албай калып, унаа сууга кулаган.   

«Кырсыктан эки киши каза тапты, айдоочу ооруканага жаткырылды”,-деп билдиришти ӨКМдан.