Ырчы Динара Акулованын мурдагы күйөөсү алдамчылык үчүн кармалды

Бишкекте ырчы Динара Акулованын мурдагы күйөөсү Абдумалик Шерматов алдамчылык үчүн кармалды. Бул тууралуу Бишкек шаардык ички иштер башкармалыгынын басма сөз кызматынан кабарлашты.

22-майда милицияга Шерматов 2015-жылы концерт уюштуруучулардан акча алып качып кеткени тууралуу арыз түшкөн. Ал акчаны кайтарып берген эмес. Акчанын жалпы сумма 600 миң сомду түзөт.

Алдамчылык беренеси боюнча кылмыш иши козголду. 15-августта Шерматов кармалып, 2-сентябрга чейин камакка алынды.