«ЭкоИсламикБанктан» канча акча уурдалганы белгилүү болду

 «Көк-Жар» кичи районунда дайгашкан «ЭкоИсламикБанктын» филиалынан 2 млн 444 миң сомду уурдашкан. Бул тууралуу Бишкек ШИИБинен билдиришти.

 Эскерте кетсек, 11-августта түшкү тыныгуу маалында «ЭкоИсламикБанктын» филиалынын кассасынан белгисиз адамдар акча уурдап кетишкен. “Уурулук” бернеси боюнча кылмыш иши козголгон.

Азыркы учурда бул иш боюнча тергөө жүрүп жатат. Байкоо камераларындагы жазуулар текшерилүүдө.