Бишкек баатырдын эстелигин куруу сунушталууда

Борбор калаабыздын атын алып жүргөн Бишкек  баатырдын тарыхын чагылдырууну  “Кыргызстан” фракциясы  парламентте көтөрүп чыкты.  Бул тууралуу атайын сөз алып сүйлөгөн Дастан Жумабеков  ар кандай маселелерди көтөрүү маалында сөз алып сүйлөп “Бишкек баатырдын эстелигин  борбор калаанын көрүнүктүү жерине коюп,  музейин ачып койсок келген туристтерге да жакшы болмок.  Себеби бизге келген коноктор  шаарыбыздын атын алып жүргөн адамдын тарыхын билсек, келечек муундар тарыхыбызды билиши керек. Бюджеттен акча которулсун, болбой баратса  марафон өткөрөлү”-деди депутат.