Эки казакстандык футбол командасы Европа кубогунан чыгып калды

Өткөн түнү Казакстан Европа кубогу квалификациясы боюнча эки футбол өкүлүнөн ажырады. Бул тууралуу Борбор Азия жаңылыктар кызматы маалымдады.

 

Европа Лигасынын экинчи айлампасында алматылык “Кайрат” менен оролдук “Иртыш” командалары оюндан чыгып калышты.

Кахабера Цхададзенин жетекчилигиндеги Алматы командасы албаниялык "Скендербеу" командасына 0:2 эсебинде жеңилип калды. Болгар адиси Димитар Димитров баштаган оролдук клуб дагы ушундай эле эсеп менен себриялык "Црвена Звездага" мөрөйдү алдырып койду. Эки апта мурун Европа Лигасынан шымкенттик "Ордабасы" командасы дагы четтетилген.

 

Натыйжада 2017-2018-жылдардагы Европа кубогунда казакстандык “Астана” клубу гана калды.

 

Казакстанда футбол командаларынын басымдуу бөлүгү жергиликтүү бюджеттен каржыланат жана дээрлик киреше табышпайт.