Ширин Сарыгулова 100 таасирдүү айымдын бири

Аян алып башкалардан  Манас айтпаса дагы жаттап айтып элдин купулуна толуп келе жаткан актриса, манасчы Ширин Сарыгулова дүйнөдөгү эң таасирдүү 100 айымдын катарын толуктады. Мындай жыйынтыкты ВВС кызматы  аныктап дүйнөдөгү таасирдүү айымдарды иликтеп чыгышкан.Көчмөндөр оюндары учурунда ВВС телеканалы Ширин Сарыгулова жөнүндө жарым сааттык даректүү тасма тарткан. Тартуу процесси Кырчын жайлоосунда жана башка жерлерде  болгон. Кыз Сайкал менен Манастын чабышы, ошол учурдагы баатыр аялдын образы кандай болгон, деги эле ошол учурдагы жашоо салты, жаа аткандыгы, ат үстүндө жүргөнү боюнча тасма тартышып сайттагы көрөмандарга тартуулашкан. Мындай кабарды  Ширин Сарыгулова өзү күтүлбөгөн кубаныч катары кабыл алганын айтты.