Таттыбүбү тирүү болсо 72 жашка чыкмак

 Сулуулуктун ханышасы аталган,  Кудай ченемсиз  сулуулук менен бирге улуу талант берген актирса Таттыбүбү Турсунбаева  эгер тирүү болсо быйыл  72  жашка толмок. Ал 1981-жылы 21-декабрда дал ушул күнү 37 жашында көз жумган. Сахна ханышасы 1944-жылдын 12-июлунда Нарын облусунун Жумгал районуна караштуу Чаек кыштагында төрөлгөн.  Актриса 1960-жылы 16 жашында биринчи жолу "Салиманын ыры" аттуу кыска метраждуу тасмага тартылган. 17 жашында Ташкенттеги Александр Островский атындагы институттун драма жана кино актёру факультетине тапшырган. 1966-жылы Кыргыз мамлекеттик академиялык драма театрынын труппасына кирген.

Таттыбүбү Турсунбаева тартылган тасмалар:

1960-жыл, "Салиманын ыры" - Салима

1965-жыл, "Эң тил алчаак" - Айзада

1967-жыл, "Саманчынын жолу" - Жаш Толгонай

1968-жыл, "Ак-Мөөр" - Ак Мөөр

1971-жыл, "Отко таазим" - Уркуя

1972-жыл, "Ак куулар конгон айдың көл" - Зейнеп

1973-жыл, "Атадан калган туяк" - Жээнгүл

1974-жыл, "Сүйүүнүн жаңырыгы" - Асия

1975-жыл, "Кызыл алма" - бейтааныш сулуу

1975-жыл, "Арман"

1976-жыл, "Алтын күз"

1979-жыл, "Процесс" жана башка кино жана театр сахнасында кайталангыс ролдорду аткарган.