Сирияда Асаддын каршылаштары Ракка шаарына чабуул жасоодо

Сириянын куралдуу оппозициясы менен күрд отряддары “Ислам мамлекети” экстремисттик тобунун тиреги болгон Ракка шаарына чабуул жасоодо. Бул тууралуу Борбор Азия жаңылыктар кызматы кабарлады.

АКШ жетектеген эл аралык коалиция жихадчылар катуу каршылык көрсөтүп жатканын билдирди.

“Ислам мамлекети” Ракканы 2014-жылдан бери кармап турат. Асаддын режимине каршы түзүлгөн “Сириянын демократиялык күчтөрү” 2016-жылы Ракка шаарына чабуул жасоону баштаган.