Нарында кыян суулар турак үйлөргө кирүүдө

Нарында кыян суулар 25 турак үйгө кирип, учурда кырсыктын кесепетин жоюу иштери жүрүп жатат. Бул тууралуу Өзгөчө кырдаалдар министрлигинин басма сөз кызматы кабарлады. 

 

Кочкор районунун Соң-Көл айыл аймагында 2017-жылдын 28-июнунда Төлөк айылында саат 12:40 чамасында жааган жамгырдын кесепетинен пайда болгон кыян суулары “Боз” тилкеси аркылуу өткөн каналга түшүп, суу көп болгондуктан канал жээгинен ашып, жакын жайгашкан 25 турак-жайдын короолоруна кирген. 

 

Жээктерди бекемдөөго айыл аймактан 1 эксковатор жана жергиликтүү калктан 60 адам тартылган.

 

Райондук Жарандык коргоо комиссиясы жээк бекемдөө жана жергиликтүү тургундарга түшүндүрүү иштерин жүргүзүүдө.