Ак үй: Трамп менен Путин июлдун башында Гамбургда жолугат

 АКШ президенти Дональд Трамп Орусиянын мамлекет башчысы Владимир Путин менен июлдун башында, «чоң жыйырманын» саммитинде жолугат. Бул тууралуу Трамптын улуттук коопсуздук маселелери боюнча кеңешчиси Герберт Макмастер бейшембиде расмий билдирди.

Ал эки лидер талкуулай турган маселелер азырынча аныктала электигин белгиледи.Бул Трамптын президент болуп келгенден кийинки Путин менен алгачкы жолугушуусу болот.

28-июлда бул жолугушуу тууралуу Орусиянын тышкы иштер министри Сергей Лавров билдирип, «Вашингтондогу русофобиялык маанай» Орусия менен АКШнын дүйнөлүк маанилүү көйгөйлөрдү биргеликте чечүүсүнө тоскоолдук кылып жатканын белгилеген.

Бул тууралуу Борбор Азия жаңылыктар кызматы билдирди.