ЕБ Орусияга каршы санкцияларды жарым жылга узартты

Европа Кеңешинин төрагасы Дональд Туск ЕБге мүчө мамлекеттер Украинадагы конфликтке байланыштуу Орусияга карата санкцияларды дагы жарым жылга узартууну макулдашканын Твиттердеги баракчасына жазды. Жарым жыл мурун жарыяланган санкциялардын мөөнөтү 31-июлда аяктайт.

ЕБ жетекчилиги Москва 2015-жылы Орусия, Украина, Франция жана Германиянын лидерлеринин Минскидеги сүйлөшүүсүндө жетишилген келишимди аткарууга жетиштүү күч жумшабай жатат деп эсептешет.

Аталган уюм Орусияга каршы экономикалык санкцияларды 2014-жылы жарыялаган. Санкцияларды АКШ, Канада баштаган бир нече мамлекет да киргизген.