Анапияевдин тууганы курал сатканы үчүн кармалды

 Ички иштер министрлигинин уюшкан кылмыштуулук менен күрөшүү боюнча башкармалыгы тарабынан мыйзамсыз курал сактап, саткан факты аныкталды. Бул тууралуу бүгүн, 16-июнда ИИМдин басма сөз кызматынан кабарлашты.

 Ыкчам иликтөө иш чараларын жүрүшүндө Сокулук районунун тургунунан Макаров тапанчасы 16 огу менен табылды.

11-июнда атайын операция жүрүп, анын натыйжасында тапанчаны сатууга шектелип 1985-жылы Ош областынын Алай районунда туулган М.К. кармалды. Ал ИИМдин каттоосунда уюшкан кылмыштуу топтун мүчөсү катары катталган жана Алмамбет Анапияевдин жакын тууганы болуп эсептелет.

Учурда бул иш боюнча тергөө башталды.