Эс алуу, маданият жана динге бюджеттен 934,5 млн. сом жумшалды

 Акыркы беш айдын жыйынтыгы менен республикалык бюджеттен социалдык тармактарга жумшалган чыгаша 443,7 млн. сомго кыскарган. Бул тууралуу Каржы министрлиги билдирди.

Алдын ала маалыматка караганда, үстүбүздөгү жылдын январь-май айларында социалдык тармакка 25 млрд. 156,7 млн. сом жумшалган. Бул сумма жалпы чыгымдын 50,1 пайызына барабар.

Социалдык камсыздоо - 10 млрд. 964,4 млн. сом (21,8 пайыз),

Билим берүү - 8 млрд. 580,4 млн. сом (17,1 пайыз),

Саламаттыкты сактоого - 4 млрд.677,3 млн. сом (9,3 пайыз),

Эс алуу, маданият жана динге – 934,5 млн. сом (1,9 пайыз)