“Асыл” ден-соолугун чыңдоочу комплекси Билим берүү министрлигине өткөрүлдү

Ысык-Көл облусунун Ысык-Көл районуна караштуу Сары-Ой айылындагы мамлекеттин менчигинде турган «Асыл» балдардын ден-соолугун чыңдоочу комплекси Билим берүү жана илим министрлигине өткөрүлүп берилди. Бул тууралуу өкмөттүн маалыматтык камсыздоо бөлүмү билдирди.

Тиешелүү буйрукка премьер-министр Сооронбай Жээнбеков кол койду.

Мындай чечим билим берүү мекемелеринин кызматкерлерине мамлекеттик колдоо көрсөтүү максатында кабыл алынды.