Ош шаарына БУУнун баш катчысы келди

Бириккен улуттар уюмунун Баш катчысы Антониу Гутерреш кечээ, 11-июнда, Ош шаарына келди.
Ош шаарынын эл аралык аэропортунда БУУнун баш катчысы Антониу Гутеррешти премьер-министри Сооронбай Жээнбеков тосуп алды. Бул тууралуу өкмөттүн маалымат кызматы билдирди.

Антониу Гутеррештин Ош шаарына болгон сапарынын алкагында Премьер-министр Сооронбай Жээнбеков менен эки тараптуу жана жергиликтүү тургундар менен жолугушуулар болду.
Ошондой эле Өкмөт башчы менен БУУнун баш катчысы 2010-жылдын июнь айындагы кайгылуу окуяларына арналган “Энелердин көз жашы” мемориалына гүл коюшту.