Ала-Букада катуу жааган жамгырдан улам айрым жерлерди суу каптады

Ала-Бука районунун Өрүктү айыл аймагында 1-июнь күнү түндө саат 02:00-03:00 чамасында катуу жааган жамгырдын кесепетинен, Ак-Башат сел сайынан жана Өрүктү-Сай суусунан сел суулары ашып кеткен. Бул тууралуу Өзгөчө кырдаалдар министирлигинин басма сөз кызматы билдирди.

Кечээ, 1-июнь күнү КР ӨКМ райондук бөлүмүнүн башчысы, КР ӨКМ Мониторинг департаментинин адиси, райондук Жарандык коргонуу комиссиясы жеринде тактоо иштерин жүргүзгөн.

Ак-Башат сел сайынан келген сел суулары Өрүктү-Сай айылынын жогору тарабынан өткөн Эшме суугат каналына курулган түтүкчөдөн ашып, 1 турак жайдын короолоруна кирип, там аркаларындагы  эгилген бак дарактарын кулаткан.

Өрүктү-Сай суусунан келген сел суулары оң жээгинде жайгашкан 2 турак жайдын короолоруна кирип, 1 кожолуктун үлүш аянттарынын жээктерин  жеп, эгилген  бак дарактарын алып кеткен. 

Жабыркагандар жок.