Ысык-Көл районунда жаңы орто мектеп ачылды

Кечээ, 1-июнда, балдарды коргоонун Эл аралык күнүндө Ысык-Көл облусунун Ысык-Көл районундагы Өрнөк айылында жаңы орто мектеп ачылды. Жагымдуу окуя менен жергиликтүү тургундарды Кыргыз Республикасынын премьер-министри Сооронбай Жээнбеков куттуктады.

Архитектура курулуш турак жай коммуналдык чарба мамлекеттик агенттигинин берген маалыматына ылайык курулуш иштери 2014-жылы башталган.  Эки кабаттан турган мектеп 225 окуучуга ылайыкталган.

«2010-жылы билим берүүгө  11,9 миллиард сом бөлүнсө,  2016-жылы бул сумма 35,7 миллиард  сомду түзгөн, бул абдан жакшы көрсөткүч», – деп баса белгиледи  Сооронбай Жээнбеков.

Орто мектептин ачылыш аземине Кыргыз Республикасынын Билим берүү жана илим министри Гульмира Кудайбердиева, Өкмөттүн Ысык-Көл облусундагы ыйгарым укуктуу өкүлү Узарбек Жылкыбаев, Жогорку Кеңештин депутатары жана башкалар катышты.