Чоң-Алайда күчү 5 баллга жеткен жер титирөө катталды

 Кечээ, 1-июнда, 21.10,до Кыргыз Республикасынын Улуттук илимдер академиясынын Сейсмология институту  күчү 5 баллга жеткен жер титирөөнү каттады.  Бул тууралуу Өзгөчө кырдаалдар министринен кабарлашты.

Белгилүү болгондой жер титирөөнүн очогу Кыргызстандын чек арасында болгон.

Кыргызстандын эл жашаган аймактарда алардын ичинде Жар-Башы, Кулчу, Чак, Кара-Шыбак айылдарында 4,5 баллга, ал эми Шибээде-4 баллга, Карамык, Кара-Тейит, Ачык-Суу айылдарында -3,5 баллга жеткен жер титирөө катталган.

Алдын ала маалыматтарга караганда адам өмүрүн алган жана кыйроолор  болгон эмес.