Кыргызстандын биометрикалык паспортторун Орусия менен Казакстан тааныды

Кыргызстандын 2017-жылкы ID-карталары Орусия менен Казакстанга барууга жарактуу документ катары таанылды. Бул тууралуу Борбор Азия жаңылыктар кызматы кабарлады.

Бул Беларус, Казакстан, Кыргызстан, Орусия жана Тажикстан өкмөттөрүнүн ортосундагы жарандардын визасыз кирип-чыгышы тууралуу 2000-жылы коюлган келишим, ошондой эле Кыргызстан, Орусия жана Казакстан тышкы иштер министрлери кол койгон ноталык макулдашуунун негизинде мүмкүн болууда.

Кыргызстанда биометрикалык паспортторду берүү 2-майда башталган. Жаңы документте жарандар тууралуу 19 маалымат, анын ичинде үй-бүлөлүк абалы менен улуту электрондук форматта чипке жазылат.