Кыргызстан менен Тажикстандын чегинде күчү 6 баллга жеткен жер титирөө болду

Кыргыз Республикасынын Сейсмологиялык институтунун берген маалыматына таянсак, 22-май күнү саат 15:23дө Кыргыз Республикасы менен Тажик Республикасынын чектешкен тоо кыркаларында  очогунда 6 баллга чейин жеткен жер титирөө катталган.

Жер титирөө Алай  районунун Нура, Икизяк, Эркештам айылдарында 5 баллга чейин, Бор-Дөбө айылында 4 баллга чейин, Кара-Киндик, Сары-Таш, Арча-Булак айылдарында 3,5 баллга чейин, Талды-Суу, Сопу-Коргон айылдарында 3 баллга чейин сезилген.

Кыйроолор жок.