“Түндүк электр” бүгүн электрге карызы бар 2,5 жарым миңден ашык жарандын жарыгын өчүрөт

“Түндүк электр” бүгүн, 23-майда электрге карызы бар 2,5 жарым миңден ашык жарандын жарыгын аралыктан өчүрөт. Бул тууралуу компаниянын басма сөз кызматы маалымдады.

 Бишкектин тургундарынын карызы 47  млн сомду түзөт. Ал эми эң көп карыз болгон шаардыктар Ленин районундагылар, аталган райондун тургундары электрге 21 миллион сом карыз.

Эскерте кетсек, “Түндүк электр” ачык акционердик коому төлөмдөрдү реалдуу убакытта кабыл алууда. Электрге акы төлөнгөнү тууралуу билдирүү маалымат базасына дароо түшөт.