Айсулуу Тыныбекова Ислам тилектештиги оюндарында алтын медалга ээ болду

 Кыргызстандык балбан Айсулуу Тыныбекова IV Ислам тилектештиги оюндарында алтын медалды утуп алды. Бул тууралуу Жаштар иштери, дене тарбия жана спорт агенттигинин басма сөз кызматы кабарлады.

Тыныбекова 21-майда 58 кг чейинки салмак категориясында эркин күрөш боюнча мелдештерге катышып, Түркиядан келген атаандашы Дерий Байханды 10:0 эсебинде жеңип, финалга чыккан.

Финалдык кармашта кыргызстандык спортчу азербайжандык Алена Колесник менен күрөшүп, 5:2 эсебинде жеңишке жетишти.

Учурда Кыргызстан 16 медаль – 4 алтын, 4 күмүш, 8 коло сыйлык алды. Медалдык эсеп боюнча 10-орунда  келе жатат.